الاثنين، 25 مارس 2013

أرجوك .. إرمينى




ويظل الصراع مستمر بين الزوج وزوجته علشان تقنعه إنه ياخد في إيده كيس الزبالة وهو نازل.

ويظل الرجل يفكر ويفكر ويإما ياخد القرار الصعب وينزله يإما يتحجج بإنه هينزل تانى في نفس اليوم وهيبقى ياخده المرة الجاية
وتظل المرأة مفروسة وبتعضعض في ضوافرها وبتحاول تفهم طب إيه الفرق ما بين النزلة الأولى والتانية ,غيرإن كيس الزبالة ريحته هتطلع عليها هى والعيال وهتتخنئ

ويعود الرجل من مشواره الأولانى ويكسل يروح مشواره التانى ويقولها بكرة بقى ,, تقوم الست المفروسة ضربة إسدال الصلاة على السريع ولما إكياسها وزبالتها  هى وعيالها على أساس إنه ملوش حاجة في الزبالة دى , ومتجهه إلى  باب الشقة علشان تنزل هى اكياس الزبالة

أحيانا بتتحرك النخوة في قلب الرجل ويقولها إستنى وياخد هو الأكياس ويرميها , وأحيانا أخرى بيتحرك بردوا ويقولها إستنى أما أفتحلك الباب علشان إنتى شايلة الأكياس .

في الحالتين دمها بيكون إتحرق ,, علشان كدة أنا من موقعى هذا أناشد كل أم إنها تدرب إبنها وهو لسه في بيتها إنه ياخد الزبالة في إيده وهو نازل كل يوم علشان يتعود على كدة وميطلعش عين الغلبانة إللى هتتجوزه , زى مأنا عينى طالعة كدة

 وبناشد كل المصانع إللى بتصنع أكياس الزبالة إنها تهتم شوية بشكل الكيس ومش هيخسروا حاجة لو رسموا على الكيس من برا وش بيعيط و كتبوا جملة  "أرجوك .. إرمينى" , ومفيش مانع من التنويع في الجمل , يعنى مرة " أرجوك إرمينى " ومرة " أبوس إيدك إرمينى " أو " إرمينى .. شكرا " أو " بلييز ..خرجنى برا " أو " شمنى كدة .. وانت وضميرك "

وكل واحدة تختار الجملة إللى هتناسب جوزها وتحرك مشاعره ناحية الكيس لما يعدى عليه الصبح وهو رايح الشغل ويلاقيه جمب الباب بيعيط وبيقوله : "أرجوك .. إرمينى"

19 التعليقات:

P A S H A يقول...

هههههههه
حلوة فكرة الجمـُل اللي على الكيس دي ؛ المفروض تسجلي براءة إختراع باسمك .

بس أنا باقترح - بعد إذنك طبعاً - أن الجُمل اللي ع الأكياس تبقى كلها تفائل علشان تشجعنا إننا نرميها وبعدين لازم كمان يغيروا لون الأكياس ويخللوا ألوانها مزهزهة ومبهجة وكمان الرسومات المفروض تبقى فرايحي كده وكيوت يعني مثلاً فراشات أو ورود أو صور موديلز ويستحسن لو انتوا مصرين أن الرجالة هي اللي ترمي الأكياس دي فياريت ما تبقوش تحطوا فيها زبالة علشان بتبقى ريحتها وحشة أوي D:D:

هناء محمود يقول...

يادى النور يا pasha

أنا ممكن اتنازل عن براءة الإختراع مقابل إن أكياس الزبالة تترمى بدون مناقشات وتأجيلات ومباحثات

وحلوة إقتراحاتك دى ,, وأحب أزود عليها إن الصين تتدخل وتعمل أكياس زبالة بتغنى حسب كل موسم , ونبدأ بالدنيا ربيع بما إننا داخلين على شم النسيم

ولما بلاش نحط فيها زبالة , الرجالة هتكلف نفسها وتروح ترمى الكيس مخصوص ليه يعنى :) وهو فاضى بجد دى مأساه :)

أسماء فتحي يقول...

هههههههههههههههههههههههههه
اه والله معاكي حق ده لو بتوع النظافة مجوش في يوم
بتبقى حوسه وجوزي بيبقى زعلان اووووي وحاطط في نفسويته لو خده الصبح معاه وهو نازل تقولي رايح لقضاه ياله نعمل ايه بقى تربية غلط من الاول كلها تسيب واهمال

تحيـــــــــــــــــــــــاتي
كانت هنا ورحلت
Asmaa Fathy

هناء محمود يقول...

asmaa
هههههههههههههههههه حلوة كلها تسيب وإهمال دى
بصراحة انا جاتلى نقطة من الحكاية دى , بقالى سنين في صراع ومفيش أى تحسن , روحى طلعت هههههههههه

حاول تفتكرنى يقول...

ان شاء الله نجد في المستقبل آلية للتخلص من هذه الأكياس دون تقطيم

الفكرة جميلة
تحياتي

zeze يقول...

ماشاء الله عليكي المدونة عجبتني اوي
وكلامك حلو وطالع من القلب :)
وان شاء الله مش اخر زيارة
ربنا يبارك فيكي يا حبيبتي

قلم رصاص يقول...

أنا بأيد جملة إرميني شكرا دي ههههههههه

بس والله عندك حق، ربنا يهدي النفوس كدا والرجالة يرموا الزبالة.. شكلنا بقى وحش أدام الامم المتحدة :)

قلم رصاص يقول...
أزال المؤلف هذا التعليق.
خواطر شابة يقول...

اعجبتني التدوينة جدا انت جيتي على الجرح للكثيرات وكما اشرت انت الحل بيد المراة نفسها عن طريق التربية تربية النشئ الصاعد على التعاون وعلى ان كونه رجل لاعني انه هارون الرشيد والجواري يخدمنه
دمت بكل الود

هناء محمود يقول...

حاول تفتكرنى

إن شاء الله بس يا ترى إيه الآليه دى ؟!!

هناء محمود يقول...

zeze
إنتى إللى نورتى المدونة ربنا يخليكى

هناء محمود يقول...

قلم رصاص

الموضوع بسيط الرجالة بس إللى بتعقد حاجات بسيطة وبيقولوا علينا إحنا إللى بنعقدها في وشهم ,, بس فعلا شكلكوا بقى وحش أدام الأمم المتحدة :)

هناء محمود يقول...

خواطر شابة

إحنا كمان المفروض نبدا بنفسنا وندرب ولادنا :)

رحاب صالح يقول...

ههههههه
والله العظيم فكرة جميلة جدااااا
احييك عليها
عجبتني اووي اوي اووي

faroukfahmy يقول...

هذه الفكرة تؤكد ان صاحبتها تحمل من الدم الخفيف الرايق ما يشجع على قراءة جميع اعمالها لذلك سمحت لنفسى ان اكون من متابعينك وارجو ان تفعلى المثل حتى نتابع كلينا ما نكتب

rnoo يقول...

مجلة أناقة


أناقة
البشرة
الشعر
المرأة والحمل
الشعر
المرأة المسلمة
حلويات
وصفات مجربة
مكياج
فساتين
احذية
ازياء
شنط نسائية

كراكيب القناطر OLX يقول...

رائعة

كراكيب القناطر OLX يقول...

مكتوب عليه الشقا دايما هو اللى بيجيب وهو اللى بيرمى

التميز المثالي للخدمات المنزلية يقول...


شركة تاج للتنظيف بالدمام 0551844053

شركة رش مبيدات بالدمام

شركة مكافحة حشرات بالدمام

شركة تنظيف شقق بالدمام

شركة تنظيف فلل بالدمام

شركة رش مبيدات بالخبر

شركة مكافحة حشرات بالخبر

شركة تنظيف منازل بالخبر

شركة تسليك مجارى بالدمام

شركة تنظيف بالدمام

شركة تنظيف سجاد بالدمام

شركة مكافحة حشرات بالاحساء

شركة مكافحة النمل الابيض بالاحساء

شركة مكافحة حشرات بالجبيل

شركة مكافحة النمل الابيض بالجبيل

شركة تنظيف منازل بالجبيل

شركة مكافحة النمل الابيض بالدمام