الخميس، 21 مارس، 2013

ليه ?!!

 
 
 
ليه اللى مش متجوز بيحسد المتجوز على إنه عنده شريك حياة , والمتجوزين عايشين كأنهم مش متجوزين وكل واحد فيهم عايش فى عالم لوحده .
ليه إللى معندهومش اولاد حياتهم كلها واقفة عند الأمنية دى , وإللى عندهم أولاد مش فاضيين يقعدوا معاهم أو يستمتعوا بوجودهم والدنيا لهياهم .
ليه فى ناس عندها كلام كتير أوى عايزة تقوله للى بتحبه بس مش لاقياه قدامها ,, وإللى جمبه دايما الإنسان إللى بيحبه مكسل يقوله كلمة حلوة .
ليه إللى فقد إنسان عزيز عليه نفسه يوم واحد يرجع علشان يبوس إيده وراسه , وناس تانية حواليها أعز الناس ومش مقدرين قيمتهم .
ليه فى ناس الوقت عندها ملوش قيمة ومش لاقيين حاجة يعملوها ,, وناس تانية نفسها تستلف وقت علشان يكفى اللى نفسها تعمله .
ليه فى ناس فلوسها تعباها والجنيه ملهوش قيمة عندها وممكن ترميه وتدوس عليه ,, وناس تانية الجنيه ده ممكن يحللها مشكلة كبيرة فى حياتها ومش لاقينه .
ليه فى ناس بتموت كل يوم من الوجع والمرض وبتقول الحمد لله ومش بتشتكى لحد , وناس تانية الصداع عندها هو أكبر مشكلة فى حياتها ومش بيبطلوا شكوى كأنهم فى أعظم إبتلاء .
ليه الطفل إللى معندوش لعب بيلعب بأى حاجة حتى لو شوية تراب وزلط وبيكون سعيد , والطفل إللى عنده لعب كتير زهقان و مش لاقى حاجة يعملها وحزين .
ليه إللى ربنا مأنعمش عليه بنعمة البصر نفسه يشوف لو ساعة واحدة علشان يقرأ جزئين قرآن ,, وفى ناس بتشوف  كويس ومبتحاولش حتى تمسح التراب إللى على المصحف من كتر ركنته .
ليه المريض إللى مش قادر يقف ويصلى ويسجد نفسه ربنا يرجعله صحته علشان يسجد لله , وناس فى كامل صحتها مش عارفة مواعيد الصلاة إمتى .
ليه إللى بيموت نفسه يرجع ولو دقيقة يعمل فيها عمل خير , وإللى عايشيين وعندهم الفرصة لسه تايهين وغافليين ومش مقدرين النعم إللى هما فيها .
 

6 التعليقات:

شمس النهار يقول...

علشان هي دي الدنيا

ماحدش راضي بحاله

كل سنه وانتي طيبه وبخير وسعادة

ستيتة يقول...

الإنسان يا حبي
قليل من يرضى
ومن يرضى له الرضا إن شاء الله
وطبع الشرقيين فيه قصة مهببة
قصتين تلاتة
الندم
إجترار الماضي والحسرة عليه
نوستالجيا لا تنتهي ايام ما كانت المشمشة أددد كده واللب الحبة منه أددد كده

ربنا يجعلنا ممن رضي الله عنهم ورضوا عنه
يا سلام يا سلام يا سلام:)
تحياتي يا جميلة

هناء محمود " يوميات فرن بالكهربا " يقول...

شمس الشموس والدكتور ستيتة مع بعض

لأ كتير عليا والله

وحشتوووووووووووووونى أد كدة ووحشنى كومنتاتك إللى مليانة دهاليز يا دكتور ستيتة , بس دهاليزك زى العسل

أنا لفيت لفيت وفعلا حسيت إنى مليش في الآخر إلا مدونتى والناس الجمال إللى بحبهم وخصوصا لما شمس الشموس كبرتها في دماغى تانى كل سنة وإنتوا طيبين ,, إدعولى بقى أستمر وربنا يبعد عنى الإنتكاسات إللى بتبعدنى عنكم

asmaa fathy يقول...


علشان الانسان دايما بيدور علي الحاجة اللي مش عنده
اللي متجوز بيدور علي الحرية بتاع اللي مش متجوز واللي مخلف بيدور علي الهدوووء اللي عند اللي مش مخلف وده بدوره بيدور علي الخلفه اللي بيتمناها واللي مش متجوز بيحسد المتجوز علي الاستقرار والشريك

هكــــــــذا هي الحياة محدش مرتاح

تحيــــــــــاتي
كانت هنا ورحلــت
Asmaa Fathy

حاول تفتكرنى يقول...

هي دي الدنيا
وعشان كدة اسمها ( دنيا )
تحياتي

شركة تنظيف بالدمام شركة تاج يقول...


شركة تاج للتنظيف بالدمام 0551844053

شركة رش مبيدات بالدمام

شركة مكافحة حشرات بالدمام

شركة تنظيف شقق بالدمام

شركة تنظيف فلل بالدمام

شركة رش مبيدات بالخبر

شركة مكافحة حشرات بالخبر

شركة تنظيف منازل بالخبر

شركة تسليك مجارى بالدمام

شركة تنظيف بالدمام

شركة تنظيف سجاد بالدمام

شركة مكافحة حشرات بالاحساء

شركة مكافحة النمل الابيض بالاحساء

شركة مكافحة حشرات بالجبيل

شركة مكافحة النمل الابيض بالجبيل

شركة تنظيف منازل بالجبيل

شركة مكافحة النمل الابيض بالدمام