الثلاثاء، 30 أبريل، 2013

ليلة زفاف قيس وليلى ( 1 )


قيس إبن العاصمة كان وسيم أنيق مميز فى وسط أصحابه فى الجامعة مش لأنه فى آخر سنة وكل سنة بيجيب إمتياز وبس لأ لأنه رئيس إتحاد الطلبة كمان و أحسن واحد ممكن يلقى الشعر إللى هو بيألفه بنفسه فى حفلات الجامعة , ومواهبه  كتير متعدوش .

والغريب إن قيس لحد دلوقتى ملقاش فتاة أحلامه إللى بيدور عليها طول التلات سنين إللى فاتوا فى الجامعة ... لحد ما شاف ليلى بنت الريف الجميلة الرقيقة البريئة , إللى كانت ماشية تايهه مش عارفة تلاقى جدول المحاضرات فين وسايبة بلدها ورايحة العاصمة شايلة فى إيديها كتبها و أوراقها وأحلامها وأغانيها وأفلامها ومسلسلاتها الرومانسية إللى كانت ساكنة عقلها وقلبها ومستنية بطل مسلسل حياتها إللى هتقوم قدامه بدور البطولة , لحد ما سمعت صوت قيس إبن العاصمة وهو بيقولها : إنتى محتاجة حاجة .

إلتفتت ليلى ببرائتها المعهودة ورفعت حواجبها بإستغراب وإرتباك وقالتله : أأأأأأأنا بدور على الجدول .

قيس : إنتى أكيد فى سنة أولة .

ليلى : أيوه .

قيس : طيب تعالى معايا .

ليلى وقفت مكانها ومتحركتش مع إن قيس مشى وسبقها وهى عمالة تفكر هو ينفع كدة أمشى مع ولد عادى طب الناس تقول عليا إيه وبتبص حواليها لقت الناس كلها إتنين إتنين ومحدش واخد باله من حد .

فى اللحظة دى قيس أخد باله إن ليلى واقفة مكانها متحركتش وعمالة تبص حواليها فرجعلها تانى وقالها : مش هتيجى أوريكى الجدول فين .

ليلى : حاضر جاية أهو .

وهما ماشيين ورايحين للجدول سألها قيس : إنتى إسمك إيه ؟

ليلى : ( بعد تردد وتفكير لثوانى ) إسمى ليلى .

قيس : أنا قيس رئيس إتحاد الطلبة .

ليلى حست إن الدنيا لفت بيها ومش عارفة هو السبب إن إسمه قيس ولا إنه رئيس إتحاد الطلبة , الإتنين كانوا أقوى من بعض عليها ( الله يخرب بيت المسلسلات العربى ).

ليلى : طططططبببببب هو انننت فى سنة كام .

قيس : أنا فى آخر سنة ولو محتاجة أى خدمة أو مساعدة متتردديش وأطلبيها منى .. إدينى رقم موبايلك علشان أبقى أطمن عليكى .

ليلى : رقم موبايلى أأأصصصل .....

فى اللحظة دى أخد قيس من إيديها تيليفونها وكتبلها رقمه .

وقالها : لو إحتاجتى أى حاجة أطلبينى إنتى فى أى وقت ووقفها قدام جدولها ورجعلها تليفونها وسابها ومشى , وهى عمالة تبص بصة فى الجدول وتبص بصة عليه وتبص بصة فى موبايلها  .

وقيس ماشى وحاسس إنه بدأ يلاقى إللى بيدور عليه وناوى يتابع أخبرها ويعرف عنها كل حاجة , لأن من الواضح إنها ليلى مختلفة عن كل الليالى إللى شافها قيس قبل كدة .....  
القصة لسة مخلصتش ..............

8 التعليقات:

P A S H A يقول...

حلوة الليلة دي يا أستاذة ومنتظرين باقي الليالي :)
خالص تحياتي

faroukfahmy يقول...

قيس وليلى باسلوب عصرى رقيق يتفق وطبيعة عصرنا واسلوبنا وامكاناتنا الحديثة
حلقت بخيالى كيف يكون شكل ليلى وهى فى يدها موبايلها قبل اختراع الكهرباء
فى انتظار الباقى

البنفسج الحزين يقول...

بدايه جميله وشكلها كدا قصه رومانتيك بس يا رب ماتنتهيش نهايه مش سعيده تحياتي

أم .. بوبة " يوميات فرن بالكهربا " يقول...

pasha
شكرا على المرور

أم .. بوبة " يوميات فرن بالكهربا " يقول...

faroukfahmy
شكرا على المرور و والتحليل الجميل ويارب الباقى يعجب حضرتك

أم .. بوبة " يوميات فرن بالكهربا " يقول...

البنفسج الجميل

ربنا يخليكى بس متسبقيش الأحداث هههههههههههههههههههههههههههه لسه شوية

sony2000 يقول...

تكمله بسرعه

شركة تنظيف بالدمام شركة تاج يقول...


شركة تاج للتنظيف بالدمام 0551844053

شركة رش مبيدات بالدمام

شركة مكافحة حشرات بالدمام

شركة تنظيف شقق بالدمام

شركة تنظيف فلل بالدمام

شركة رش مبيدات بالخبر

شركة مكافحة حشرات بالخبر

شركة تنظيف منازل بالخبر

شركة تسليك مجارى بالدمام

شركة تنظيف بالدمام

شركة تنظيف سجاد بالدمام

شركة مكافحة حشرات بالاحساء

شركة مكافحة النمل الابيض بالاحساء

شركة مكافحة حشرات بالجبيل

شركة مكافحة النمل الابيض بالجبيل

شركة تنظيف منازل بالجبيل

شركة مكافحة النمل الابيض بالدمام