السبت، 20 مارس، 2010

صوت الجمال يتخطى حدود السمع






أرايت شمساا.. أشرقت تلك السمآء ..
تغدو الحياة بنورها .. تسمو سمآآء..
ناديتها انغام صوت هاتف
لكنها تأبى بأن تتكلما
أرايت زهرا في الربيع تفتقت
يسبى القلوب جمالها يروي الظمى
عاتبتها أن طال عني غيابها
فوجدتها تأبى بأن تتكلما
وإذا بزاوية هناك تلوح لي
وطفله حسناء
تلعب بالدمى
خاطبتها
لم تمرحين وحيدة لكنها عجزت بأن تتكلما ..
أدركت حقا بعد ذلك أننا عن الحقيقه قد أصبنا بالعمى
كم من روائع في الحياة ترنو لنا
لكنها عجزت بأن تتكلما..
_________
________________________________



 أنا مش بعمل إعلان عن زين طبعا .........

بس انا مبهورة بالكلمات والأداء والفن الراقى والرسالة إللى فى الإعلان ده
.. وحابة أقول ..
إن ممكن الواحد يسمع صوت وكلمات جميلة ويشوف صورة وفن رائع وراقى ... 
ويستفيد وينبهر ويستمتع لأقصى درجة

( من غير ما يغضب ربنا

إللى عايز يعمل حاجة حلوة وصح هيعملها ..
مش لازم كل الحاجات الحلوة والممتعة فى حياتنا منستمتعش بيها غير بشكلها الغلط والغير جائز
الشئ الجميل والصح والحلال فى حياتنا كتير بس نفسنا إللى بتصعبوا علينا  

 

27 التعليقات:

صاحب رأى يقول...

يشرفنى اكون اول تعليق
والاعلان بجد رائع جدا
وعجبنى اكتر الاستمتاع الحلال بالشىء زى ما قولتى
اتمنى كل اعلامنا المصرى والعربى يتجه للاحترام وانه يمتعنا بكل شىء احله الله لنا
بكدا منغضبش ربنا

كان بيعجبنى اعلان ميس شلش عن مستشفى اطفال السرطان بالسعوديه
اعلان جميل حاولى تبحثى عنه
هتستمتعى بصوت جميل
وفى رساله قويه جدا

تحياتى

ذكري رحيل قلم يقول...

السلام عليكم

عجبتني جدا الابيات المنثورة في البوست شكراً لمجهودك
الفيديو مشتغلش معايا هاحاول تاني
ما اجمل استخدام الفن الحلال


اللهم احمينا من كل شر وارزقنا جميعا بكل خير في هذة الدنيا الاهية

تحياتي

حصان المرجيحة يقول...

علي فكرة انا علقت قبل كده
بس الظاهر ماوصلش
المهم ان انا كنت اول مرة اشوفها
بس بجد جميلة
خصوصا
اني بحب النوع ده من القصائد
يمكن لاني مابسمعش اغاني
فبدأت احب اسمع مشاري راشد و غره من الناس الجميلة دي
جزاكي الله خيرا
شكرا ليكي

sony2000 يقول...

وانا كمان انفرجت علي الاعلان ده
واتمنيت ان كل اعلانتنا تبقي كدا
بدال الحجات المشوهه اللي بيعلنو عنها بطريقه مستفذه اوي
بس مدام مهي ظهرت وعجبت الناس
يبقي بأذن الله الفتره الجايه ممكن تنصلح الامور
اللهم امين

سمع هوص (Abo 3li) يقول...

D:

اعلان جميل اوي.. انا اول مرة اشوغه.. رغم اني فعلا متابع اعلانات زين.. ومعجب بيها... تحسيها اعلانات راقية.. وبتخاطب الروح..
زي ده:
http://www.youtube.com/watch?v=F2ArQlPQLW0&feature=related

تحياتي

جارة القمر يقول...

تعرفى انى اعجبت بنفس الاعلان و كتبت عنه بوست فى المدونة عندى و سميته نفس الاسم كمان ههههههههههههههه

بس انا اخدتها من زاوية تانية ان فى اصوات كتير تتخطى حدود السمع

زى صوت الام و هى بتدعى فى صلاتها و زى صوت الكروان و صوت الزوجة المحبة و الزوج المحب عندما يتحدثان لبعضهما بكل الود و الرحمة ... الاصوات الجميلة حوالينا فى كل مكان بس مش بنسمعها كويس

أحمد شريف يقول...

السلام عليكم أعجبني الإعلان للغاية ورسالته
صدق لسانك

حنين يقول...

ازيك يا ام بوبه
حلو اوى البوست
الاعلان جميل وده فعلا الاستخدام الصح والحلال
ربنا يبارك لك

هيثــم رمضـــان يقول...

فعلاً كلمات جميلة وعندك حق يا أم بوبه ممكن نستمتع بحاجات كتير من غير ما نغضب ربنا.

تحياتي

سلسبيل يقول...

أشكرك أم بوبة على هذا الموضوع

الرائع يدوم التةاصل بيننا أن شاء

الله تحياتى لك وسلامى لبوبة العسولة

star in the sky يقول...

الله بجد الصوت والفيديو حاجة رائعة بجد

!!! عارفة ... مش عارف ليه يقول...

عندك حق

هو كمان في حاجة مهمة اووي

وهي قدرات الشركة المعلنة المالية

اللي تقدر تصرف على إعلان زي ده

بحيث يطلع بشكل راقي أووي كده

مع إن عارفة في شركات هواتف جوالة بتعمل إعلانات بردو إنما مش بالمستوى ده بصراحة

شكراً لحسن إختيارك للموضوع

تحياتي
وليد

خواطر شابة يقول...

اعلانات زين عادة هي على نفس النهج فهم اصحاب اغنية قطورة التي اصبح يردده بعد الاعلان الكبار قبل الصغار
معك كل الحق المتعة لاترادف دائما الحرام يمكننا ان نستمتع في اطار الحلال ولتعلمي كم نحن فعلا متعطشون للفن الهادف الالبوم الديني في حضرة المحبوب لوائل جسار حقق بصورة غير متوقعة اعلى المبيعات ويستعدون الان لطرح النسخة الرابعة منه بعد ان نفذت الثلاث نسخ السابقة من السوق
دمت بكل الود عزيزتي

أم .. بوبه يقول...

صاحب رأى

أنا عارفة إعلان ميس شلش وحفظاها كمان

أبتاه لا تبكى

بصراحة مؤثر جدااا

سمعتلها غعلانات توعية كتير بكلمات وصوت اكثر من رائعين

أم .. بوبه يقول...

ذكرى رحيل قلم

ممكن تشوفى الفيديو من على اليوتيوب بجد اكثر من رائع

أسعدنى مرورك

أم .. بوبه يقول...

حصان المرجيحة

الحمد لله إنك مش بتسمع أغانى

دى مرض وبلاء أسأل الله أن يشفى الكل منه

ومحدش بقاله حجة اليومين دول .. موجود البدائل الراقية المحترمة والهادفة وبرده الممتعة ... ولا تغضب الله

شرفنى تعليقك

أم .. بوبه يقول...

sony 2000

أتمنى إن الظاهرة دى تنتشر

وربنا يرحمنا ويرحم اطفالنا من شر الإعلانات إللى بنشوفها اليومين دول وتفاهتها .. ولو مشوفناهاش فى بيوتنا بنشوفها فى بيوت غيرنا .. ربنا يتوب علينا ويحفظنا

أم .. بوبه يقول...

سمع هوص

حلو أوى الإعلان ده أنا كمان اول مرة أشوفه

شكرا لمرورك

أم .. بوبه يقول...

جارة القمر

يبقى عندنا توارد أفكار

بس أفكارنا بتكمل بعضها بقى .. كل واحد خدها من زاوية تانية .. يمكن تلاقى حد تانى أخدها من زاوية تالتة

هههههههه

ربنا يجمعنا على الخير والحق على طول إن شاء الله

أم .. بوبه يقول...

أحمد شريف

جزاك الله كل خير شكرا لمرورك

أم .. بوبه يقول...

حنين

الله يخليكى

شكرا لمرورك نورتينى

أم .. بوبه يقول...

هيثم رمضان

الحمد لله الحق مبيختلفش عليه إتنين

شكرا لمرورك

أم .. بوبه يقول...

سلسبيل

نورتينى يا جيل وأسعدنى مرورك

أم .. بوبه يقول...

star

هو فعلا حاجة تحفة فوق الخيال

شكرا لمرورك

أم .. بوبه يقول...

عارفة مش عارف ليه

والله فى ناس عندهم قدرات أكبر بس بيستغلوها فى التفاهات والحرام

وسبحان الله لو بحثوا عن الحلال والرقى هيلاقوه أرخص بس النفس امارة بالسوء

شكرا للمرور

أم .. بوبه يقول...

خواطر شابة

انا شوفت إعلان قطورة .. حلو فعلا وجميل

وكمان إعلان زين عن رمضان .. جميل جدااا وفيه رسالة حلوة اوى

نورتينى

basbosa يقول...

رائع ورائعة كتابتك للكلمات
يعجبني ذوقك
شكرا لك (: