لما أهل الدين يتقال عليهم دجالين
والمسلمين يتقال عليهم نصابين
والمسموعين يتقال عليهم كدابين
وواحد تبقى تهمتوا علامة صلاة على الجبين
أو مربى لحيته زى سيد المرسلين
وناس متفرقين على الشمال وعلى اليمين
وناس بتقتل بعضها وناس واقفين متفرجين
وناس بتدعى على إخواتها وأهلها وبتقول آمين
وواحد تبقى تهمتوا علامة صلاة على الجبين
أو مربى لحيته زى سيد المرسلين
وناس متفرقين على الشمال وعلى اليمين
وناس بتقتل بعضها وناس واقفين متفرجين
وناس بتدعى على إخواتها وأهلها وبتقول آمين
وناس في الوسط تايهين ومش فاهمين
بلدهم جاية منين أو رايحة فين
وأيام عمالة تعدى بتجر السنين
والحق ضايع مش عارف صاحبه مين
يبقى فين هى مصر ..
ومين إللى كانوا إسمهم مصريين
مصرية حزينة أوى على بلدها
ملحوظة مهمة : أنا وجهة نظرى الشخصية إن الدعاة كلهم مش كدابين , ولا كل المسلمين نصابين , ولا كل الإعلاميين كدابين , كل دول فيهم الشر والخير , بس أنا بنقل الكلام إللى بنسمعه كتير الأيام دى إللى بقى التعميم فيه هو الأساس والمصداقين كتير , ومعدش حد عارف يفرق أو بمعنى أصح عايز يفرق بين الحلو والوحش , زى ما يكون معدش عندهم وقت يفكروا شوية , علشان كدة بسأل لما كل الناس إللى في بلدنا زى ما بيتقال عليهم دجالين ونصابين وكدابين طيب المصريين فين
12 التعليقات:
مش عارفه والله بجد
ان لقيتي اجابة ياريت تعرفيني
كلنا بقينى بنخون بعض ونطلع في الاعلام ونهزء بعض وفقدنا المصداقة في كل اللي حوالينا
تحيـــــاتي
كانت هنا ورحلت
Asmaa Fathy
حاجة توجع
ومن كتر الوجع مابقيناش عارفين نعبر عن الألم
أصل هنقول إيه ولا إيه ولا إيه! :(
اللهم ارفع غضبك ومقنك عنا
مؤلمة ..
لكن لئلا نقع في الإثم لا ينبغي أن نعمم ونشمل الكل والجميع ..
كل التحية الطيبة ..
asmaa fathy
شكرا على مرورك , أنا كمان معنديش إجابة وحزينة على كل إللى بيحصل ده
موناليزا
عندك حق انا بفضل اتجاهل إللى بيحصل علشان متوجعش , بس ساعات الألم بيكون قوى وبيوجع مهما حاولتى تتجاهليه
ظلالى البيضاء
شكرا على مرورك , وكويس إنك لفتى نظرى , لأنى كنت خايفة فعلا إن إللى يقرأ الكلام يفتكر إنى مقتنعة بيه أو ده رأيى الشخصى ..أنا إللى حبيت أقوله إننا بقينا بنقول على بعض كدة والتعميم هو اللبانة إللى في بقونا , هحاول اعمل أى تغيير علشان توصل صح
كل الاوضاع مقلوبة
مصر موجوده
بس معلش حبه هرجله كده وبعدين ان شاء الله كله هيبقا زي الفل
حاول تفتكرنى
فعلا كل الوضاع مقلوبة وياعالم هتتعدل إمتى
أسعدنى مرورك على مدونتى
شمس النهار
يارب يكون كلام صح يا مدام شمس وترجع كل حاجة كويسة تانى
أنا نازلة مصر بعد أيام ومش عارفة أفرح ولا أزعل وهما بيقولولى تعالى بالنهار علشان قطاع الطرق حاجة كدة توجع القلب
شركة تاج للتنظيف بالدمام 0551844053
شركة رش مبيدات بالدمام
شركة مكافحة حشرات بالدمام
شركة تنظيف شقق بالدمام
شركة تنظيف فلل بالدمام
شركة رش مبيدات بالخبر
شركة مكافحة حشرات بالخبر
شركة تنظيف منازل بالخبر
شركة تسليك مجارى بالدمام
شركة تنظيف بالدمام
شركة تنظيف سجاد بالدمام
شركة مكافحة حشرات بالاحساء
شركة مكافحة النمل الابيض بالاحساء
شركة مكافحة حشرات بالجبيل
شركة مكافحة النمل الابيض بالجبيل
شركة تنظيف منازل بالجبيل
شركة مكافحة النمل الابيض بالدمام
إرسال تعليق