الأحد، 6 فبراير 2011

غصب عنى بقالى فى السياسة



عمرى ما كان لى فى السياسة
ولا الثورة ولا الحماسة

حتى البطالة كانت على مزاجى
طلعت لذيذة مش بطالة
أهلى بقى يجهزونى .. يجوزونى 
ولو مش معاهم يخللونى

مهو غصب عنى .. زيى زى غيرى
قاعدة مليش شغلانة
إتخرجت و إتعلمت التناحة
آكل وأشرب وأتأمر ببجاحة
 
بحلم وبس بصراحة..
بحلم بعريس وبيت وعيشة مرتاحة

الدهب رخص ولا غلى 
مش شغلى بأمانة

الخشب نزل ولا طلع
أنا عايزة سفرة ونوم وصالون وأنترية
مينقصوش خرزانة

والعريس .. مهندس أو دكتور
لو حتى محدش لاقى رجالة

يإما بكرمتى خلينى قاعدة
عند أهلى واكلة شاربة
لا أعرف السكر بكام ولا البيض ولا حتى البامية

وأهلى الأبطال جهزونى !!
بصراحة بهرونى وفاجؤنى

أصلهم لامؤخذة كانوا مدرسين
ولا عمرهم سافروا بره ولا كانوا وارثين

والخارج كان أد إللى داخل مرتين

أى نعم .. كانوا مكتئبين
وبيحمدوا ربنا إن عندهم بلوة واحدة مش بلوتين

بس وأنا مالى .. جابو إزاى ومنين ؟

المهم جبت كل الأجهزة
وبقيت عروسة متجهزة
والنيش إتملى على آخره كاسات وفناجين

وإتجوزت واحد من الدكاترة المحترمين
وخلفت بنوتة شبه بووو.. فى فيلم شركة المرعبين

الحمد لله كده فل وتمام
حققتلى ياربى كل الأحلام 

بس إيه إيه إيه ؟
بتقولوا السكر بكام ؟ 
والدقيق والبيض كمان

معقول الكلام ده من زمان

يا عينى يا بابا.. يا حبيبتى يا ماما
كل ده و مجالكومش لسه جنان

دا الدنيا والعة نار
والمرتبات تجيب لأصحابها إنهيار

ولا دكتور ولا مدرس ولا مهندس
قادر على سعر الخضار

معلش غصب عنى عقلى طار
شلت الهم وندمت على إللى كان وإللى صار

وإتفقنا نشوفلنا أى عقد 
ونروح على أقرب مطار

ونهرب على أى بلد
فيها المرتبات على أد الأسعار

فيها مدارس بتعلم أجيال
ومستشفيات بتعالج الكل 
مش بس إللى معاه المال

بلد بتحترم الصغار قبل الكبار
وعلى قد تعبنا نلاقى ونعلى 
 مش مهما نتعب فى إنحدار

ولا نستنى شوية يمكن تفرج 
وينفك عن بلدنا الحصار


بإختصاااااااااار

غصب عنى بقالى فى السياسة 
وبتكلم زى أهل الثورة والحماسة
وفهمت معنى الفساد 
إللى دوقنا فى بلدنا طعم التعاسة
وشحتنا فلوسنا بكل خباثة وخساسة
وخلى عمرنا كله بطالة بعد أيام و سنين دراسة
وضيع حلم أهلنا فينا
بعد ما ضاع عمرهم حسابات بالقلم والكراسة

خلاص .. حلمى دلوقتى إتغير

نفسى بنتى تشوف أيام أفضل

على قد ماتتعب تلاقى 
وعلى قد ماتاخد تعلى و تكبر

لا تفكر تسافر .. ولا تهرب
وفى وسط أهلها تكبر ولأحلامها توصل

وعشان ده يحصل
لازم شعب مصر فيها يفضل
وكل ظالم وفاسد فى بلدى يرحل 




 













4 التعليقات:

يوميات شاب منوفى يقول...

رائع الحمد لله ان البلددى لسة فيها ناس بتفهم والتلفزيون المصرى العاهر مغسلش مخهم كلنا فى التحرير نفسنا بمستقبل افضل للبلد وبنقدم اروحنا لبلدنا وفى الاخر شعبنا المغيب يتهمنا بالعمالة لاسرائيل وامريكا وايران وبناخد 100 دولار ووجبة كنتاكى حسبى الله ونعم الوكيل

بالمناسبة اية اخبر شيماء"الشعب لابد من حكومه تشكمة" سلملى عليها وقوليلها اخوكى رامى المنوفى بيسلم عليكى وبيتمنالك حياه سعيدة مع الدينازور

eng_semsem يقول...

بنتك هتكبر وتسمع من اهلها ان اخواتها دفعوا دمهم عشان تلاقي راحتها وناس باتت في الشوارع عشان تاكل وتشرب وتلعب وتتعلم وتعرف ان كان في رئيس بيضحي ب 80 مليون مواطن عشان هو يعيش
بس هتعرف في النهايه انه راح واللي فضل 80 مليون عريس وعروسه معهم حلمهم وعيشه كانت في احلامهم

simply me يقول...

كله لكلام جميل
بس ليه تظلمى العسل بنتك وتقولى عليها شبه بو بس
دى سكر

التميز المثالي للخدمات المنزلية يقول...


شركة تاج للتنظيف بالدمام 0551844053

شركة رش مبيدات بالدمام

شركة مكافحة حشرات بالدمام

شركة تنظيف شقق بالدمام

شركة تنظيف فلل بالدمام

شركة رش مبيدات بالخبر

شركة مكافحة حشرات بالخبر

شركة تنظيف منازل بالخبر

شركة تسليك مجارى بالدمام

شركة تنظيف بالدمام

شركة تنظيف سجاد بالدمام

شركة مكافحة حشرات بالاحساء

شركة مكافحة النمل الابيض بالاحساء

شركة مكافحة حشرات بالجبيل

شركة مكافحة النمل الابيض بالجبيل

شركة تنظيف منازل بالجبيل

شركة مكافحة النمل الابيض بالدمام