الأحد، 14 مارس، 2010

الكورة ......... فيييييييييين ؟؟!!

أهم الأنباء 

 خبر بعنوان ...

 ***حالة من الإستقرار النفسى تسود الأسر المصرية فى الأيام الماضية 

      قد لوحظ منذ فترة وجيزة ظاهرة جديدة تسود على الشارع المصرى وتنتشر  بين الرجال وهى حالة من التركيز والنشاط وعدم الكلام بشكل مستمر ودائم عن موضوع واحد وهو أخبار الكورة . كما كان يحدث من قبل بشكل مستفز . 
وتم دراسة هذه الظاهرة ومتابعتها ورصدها وآخر ما توصل إليه الأخصائيون أنها 
ظاهرة صحية أدرجوها تحت مسمى
(حالة نقص شوبير فى الدم )

وتم  أيضا ملاحظة تغيرات تطرأ على النساء من جميع الأعمار .. وهى إعتدال جامد جدااا فى المزاج وروقان البال .. وإختفاء لظاهرة الصداع النصفى التى كانت منتشرة بينهم .. مما أدى إلى معاملة الأطفال والأزواج بشكل يقترب إلى المثالية .. وقلة المشاحنات والخلافات المستمرة بينهم على الفاضية والمليانة

وأيضا عند كبار السن إعتدال واضح فى معدلات الضغط  و نسب السكر فى الدم وتراجع فى أعراض الزهايمر

وأيضا الأطفال لم يفلتوا من هذه التغيرات ... حيث أنهم اصبحوا يتمتعون بسعادة غامرة خاصة يوم الجمعة الأجازة الرسمية .. بعد ان أصبحوا يقضون وقتا كبيرا مساء الجمعة خارج البيت بصحبة والديهم 

وقد أدرج الأخصائيون هذه الظاهرة عند النساء والكبار والأطفال تحت مسمى ..

(حالة نقص شوبير فى البيت )

 وبشكل عام قامت كل هذه التغيرات بإضفاء جو من السعادة والراحة النفسية على معظم الأسر المصرية .. 

وعند إستطلاع الرأى فى الشارع المصرى .. كان هذا رأى احد السيدات السعيدات بهذه الظاهرة 

( الحمد لله ربنا يخليلنا مرتضى منصور .. وزى ما إرتحنا من شوبير عقبال مدحت شلبى وخالد الغندور)
 وتحث كل السيدات ان يرددوا من خلفها   آآآآآآآآميييييييييييييين






سؤال المسابقة



 تفتكروا البرنامج الجديد البديل لبرنامج الكورة مع شوبير هيكون إيه ؟؟؟

  1_ الكورة مش مع شوبير

  2_الكورة مع مرتضى منصور

  3_ الكورة فييييييييييين؟؟


طبعا عارفين هتبعتوا الإجابات فين .. 

والسلام عليكم ورحمة الله وبركاته

مع تحياتى أم بوبة 

49 التعليقات:

قلم رصاص يقول...

اظن الإجابه هتكون :

الكوره فييييييييييييين ؟!

بس فعلا عندك حق
شوبير كان عامل زي الفيروس
ربنا شافانا وعافانا منه ومن
مضاعفاته النفسيه والكروية

تقبلي مروري وتحيتي

البنفسج الحزين يقول...

هههههههههههه...
حمدلله ع السلامه وحشتنا نشرة أخبارك الكرويه....
بس واضح ان شوبير كان عاملك أزمه...
انا بالنسبه لي وجود برنامجه زي عدمه بالظبط لأني اصلا مكنتش باتفرج عليه ...بس ده ما يمنعش اني فرحت فيه بعد مرتضي منصور ما مرمطه...
وبالنسبه لحل المسابقه ...
اممممممممم بيتهيألي اسم البرنامج الجديد هيبقي...(ولا واحد من التلاته...
هيبقي اسمه...
(انا وٍِمُرتا والزمن طويل ... )

شمس النهار يقول...

صباااااااح الكورة
ملاحظة ان الكورة عجبتك اوي

الكورة في بلدنا بقت زي السياسه كله سبوبه

:)

سلامي

هيثــم رمضـــان يقول...

الكوره فييييييييييييين ؟!

دا سؤاااال وجيه أنا قريت الكلام ده في مجله غربية شرقيه منوفيه بعنوان الحياة بدون شوبير.

كالعادة طريقه رائعه في الكتابة والسرد تحمل أفكار مهمة ولكنها لا تخلو من خفة الظل, المشكلة إن الناس بتدي الحاجه أكبر من حجمها بكتير يعني مافيش مانع إني أتابع الرياضة وأتفرج علي الدوري بس ما ضيعش ساعه تحليل قبل الماتش وساعتين بعد الماتش اللي هو أصلاً ساعه ونص غير الاستراحه وبعدين برنامج رياضي يومي علي كل قناة وبعدين برامج إسبوعية بتقعد بالساعات وكلها سبوبه ناس قاعده تقول أي كلام وناس فاضيه بالهبل قاعدين يسمعوهم والإعلانات شغاله والسبوبه شغاله ومافيش مانع يولعوا الدنيا في بعض علشان البرنامج يسخن ويحلو والناس مغيبه سيبين حياتهم وقاعدين يتكلموا عن شوبير ومرتضي أكتر ما بيتكلموا عن قضايا وطنهم وأمتهم , كل حاجه لازم تبقي بحساب وبعقل وربنا يهدي المسلمين أجمعين .

تحياتي

حنين يقول...

ازيك يا ام بوبه
حلو البوست ودمه خفيف
والاجابه هى الكوره فيييييييييييييييين

أبو حميد يقول...

الإجابة الكورة فيييييييين
بس ماتفرحيش قوى كده, شوبير قالفى الراديو (ماهو بيطلع فى الراديو) إنه بيجهز لمفاجأة على الشاشة الصغيرة
عااااااااااااااا
خلى بالك لتفتحى الفرن تلاقى شوبير طالعلك منه

lostlove يقول...

السلام عليكم

ازيك يا ام بوبه

وحشتني الفرن اوي اوي

بس بسبب الظروف الصحيه للنت
ههههههه كان عندي في الانعاش

بس ابتدي يفوق اهو


بنسبه بيقي للبوست

ههههههههههه انا معرفش حاجه عن الكوره خالص
وبنسبه للسؤال

هههههههههه انا اشجع انهم يلغو البرنامج اصلا

ويعملو اي برنامج للطبخ

لان برامج الكوره وقنوات الكوره
بقو كتير جداااا

تحياتي

واتمني التوفيق

ShiMOo يقول...

اممممممم لا انا اعتقد ان البرنامج الجديد هيبقى
"الكورة مع احمد واحمد مع الكورة"

هتسأليني طبعا احمد ده مين ؟؟؟
هقولك مش عارف =))
ههههههههه

سبايدرمان spiderman يقول...

هو كان بيقعد كتير صحيح
بس برضه الواحد زعلان على شوبير :(
كان مالي الشاشه كده على طووووووول :(

...

هو البرنامج هيبقي اسمه الكوره مع حازم الكاديكي (( الحياه تعاقدت معه بعد شوبير )) ^_^

عاوز اصحي يقول...

انا شفت الحلقه بتاعه مرتضي منصور مع مدحت شلبي
زهقت من مرتضي منصور عمال يطلع في ورق وبلاغات وحاجات ربنا بيهلك الظالمين بالظالمين مع اني كنت بحب احمد شوبير علي المستوي الاعلامي

فاتيما يقول...

يا لهوتينى ى ى ى عليكى يا ست انتى

مش ممكن على خفة دمك
و مسابقاتك دى


هههه
انا متابعة معاكى المولد الشوبيرى لما نشوف هيخلص على ايه

بوسيلى بوبة قوى

emymony يقول...

ايووووووووون كده
عايزين بوستاتك الرياضيه
ياعينى يا شوبير
ياشماته ابله ظاظا فيك
هههههههههههههههه
اعتقد الاجابه الكورة فين؟

محمد فؤاد (صاحب عمود النور) يقول...

هههههههههههههههههههههههههههههه

الكورة فين

بصى قفلوا البرنامج بتااعه فى التليفزيون هتلاقيه فى الراديو هيقفلوا فى الراديو هتلاقيه فى الجرنال وانا هستناه ينزلى من الحنفيه دا احمد شوبير يا ماما

blue-wave يقول...

ههههههههههههه
هيا الكورة فيييييييين؟
مع الإعتذار لسمير غانم
والله انا تلخيص القصة دى بالنسبالى
اللهم اهلك الظالمين بالظالمين
تحياتى

طوبه فضه وطوبه دهب يقول...

اكيد اكيد كنتى واحده من الستات السعيده دى ومش بعيد تكونى كنت بتقولى امين من وراها الا صحيح الكوره فين فى ستين داهيه اللى لحست دماغ الشعب المصرى قال يعنى عملنا كل حاجه وفضينا للكوره ربنا يشفى الا بوبه عامله ايه ابعديها تماما عن اى حته فيها كوره حتى لو كوره شراب وهى هتطلع عشره على عشره وحشانى ياقمر

sony2000 يقول...

ايكونشي الحاله دي كانت عنديكي
الحمد لله اهو استريحنا منهم
ربنا استجاب لدعوات ناس كتييييييييير اوي
تقبلي مروري وتحياتي

ستيتة حسب الله الحمش يقول...

هههههههههههههههههههههههههههه

متفرحيش يا حلوة
اهو ها يصالح منص
وها يرجع يظهر تلفزيون وبوتاجاز وفرن كهربا كمان :))

!! a7mad sala7 !! يقول...

هههههههههههههههه

بس مرتضي طلع برنس والله

مكنتش اتوقع ان شوبير يوصل بيه الحال لكده


المفروض يتعلم الطبيخ ويعمل برنامج سفرة دايمة مع شوبير بقي

سمع هوص (Abo 3li) يقول...

مرتضي منصور ده كائن عجيب... وشوبير كمان...

ياريت الاتنين يقعدو في بيتهم ... ومرتضي يبطل هري..

الاجابة:
الكورة مع ام بوبة

أحمد عاطف يقول...

والله يا ام بوبه انا داخل بالسيجارة اخلصها وبعدين ابقى ارميها

المهم خلي مرتضى يسيب مدحت شلبي لاني باحب تعليقاته على ماتش الاهلي

ممكن يشيل خالد الغندور لان دمه يلطش

كمان البرنامج الجديد هيبقى احمد مع الكورة

نسيتي انتي الاختيار دا

NeVeN يقول...

هو مرتضى منصور سايب حد فى حالة
ربنا يريحنا منه
زى مريحنا من شوبير ايه الناس دى
تقوليش حالقين لينكدو علينا ؟


بس بصحيح هى الكورة فين ؟؟
يكونش شوبير خرمها قبل ميسيب القناة؟


اول زيارة يا ام بوبة ومش الاخيرة لان المدونة حلوة اوى


مساءك فل

أحمد شريف يقول...

السلام عليكم
قليلة هي الفرص التي تجبرني على الاستماع لبرنامج رياضي ، والحمد لله ليس لدي وقت لمتابعة هذا الهلس
منذ أيام جرتني الصدفة لمتابعة برنامج أراه سيء والذي يقدمه الإعلامي خالد الغندور والذي لا أجد منه رائحة ... مجرد رائحة لمقدم برامج

لكن وبصدق شوبير لأني كنت أتابعه قديماً فهو إعلامي مهني جداً وهو صاحب الطفرة الحقيقية في الإعلام الرياضي وإن كنت أعيب عليه سقطاته الأخيرة لكن هذا لا يمنعني من القول أنه هو الوحيد ممن رأيتهم وطاهر أبو زيد من الإعلاميين الرياضيين يصلحا لكي نطلق عليهم لقب إعلامي

أحمد شريف يقول...

ملحوظة ليس المقصود بالهلس : الرياضة في حد ذاتها بل البرامج الرياضية المتخصة بالتحليل الرياضي

موناليزا يقول...

هما خلاص بجد هيلغوا برنامج شوبير
ولا ده سؤال افتراضى:)

أم .. بوبه يقول...

قلم رصاص

هو فعلا كان إدمان لبعض الناس وبحس إنهم كانوا بيفضلوا يسمعوه غصب عنهم وبيصدعوا بس مش قادرين يقوموا من قدامه

حاجة غريبة

أم .. بوبه يقول...

البنفسج الحزين

الله يسلمك يا جميل

إنتى كدة حلوة خليكى على كدة على طول

مش عارفة كله شمتان فيه ليه حتى غللى ملوش فى الكورة

أم .. بوبه يقول...

شمس النهار

الحاجة شموسة وحشانى كتير معلش انا مقصرة معاكى بس غصب عنى والله

أنا الكورة معجبتنيش ولا حاجة بس شوبير كان عاملى عقدة شوية ههههههههه

أم .. بوبه يقول...

هيثم رمضان

هو فعلا الإفراط فى مشاهدة البرامج دى مشكلة وحاجة صعبة ومترضيش أى حد .. وبصراحة زودوها فى مهاجمة بعض وكل واحد يستغل البرنامج بتاعه لغراضه الشخصية ولتصفية الخلافات .. حاجة لا تمت بصلة للأخلاق الرياضية

أم .. بوبه يقول...

حنين

الله يخليكى يا جميل ونورتينى

أم .. بوبه يقول...

ابو حميد

انا عارفة انه اكيد هيطلعلى من حتة تانية بس قولت ألحق أفش غلى شوية اليومين دول

أم .. بوبه يقول...

LOST LOVE

منورانى يا جميل انتى كمان وحشانى

حلو كمان برنامج الطبخ ده وانا بقترح ان شوبير هو اللى يقدمه برده
هههههههههه

أم .. بوبه يقول...

SHIMOO

انا مش هسألك أحمد مين
بس أهم حاجة ميطلعش أحمد شوبير

أم .. بوبه يقول...

سبايدر مان

هو كان مالى الشاشة فعلا

بس عصام الكاديكى اخف كتير بصراحة ولما شوفت البرنامج مجاليش الصداع النصفى اللى كان بيجيلى ايام شوبير

أم .. بوبه يقول...

عاوز اصحى

انا منكرش ان مرتضى منصور يجيب صداع اكتر .. وممكن لو شاف الكلمتين دول يرفع عليا قضية بيهم

بس على رايك ربنا يهلك الظالمين بالظالمين

أم .. بوبه يقول...

فاتيما

نورتينى يا جميل الله يخليكى

حمد الله على السلامة من بور سعيد

اهم حاجة ان المولد ده ميخلص على برنامجين لشوبير واحد الصبح وواحد بالليل

أم .. بوبه يقول...

EMYMONY

طول ما فى أخبار عن شوبير هتلاقى نشراتى الإخبارية هههههه

مين بقى طنط ظاظا إللى تقصديها ؟ ههههههههههه

أم .. بوبه يقول...

محمد فؤاد

عندك حق والله أنا عارفة إن مفيش فايدة بس الواحد بيفضفض وخلاص

أم .. بوبه يقول...

BLUE WAVE

فعلا اللهم أهلك الظالمين بالظالمين المهم إننا نرتاح من برامج الكورة الكتيرة دى

حصان المرجيحة يقول...

بصي اظن مرتضي مش زي ما هو باين للناس
بمعني انه لما مسك رئاسة نادي الزمالك كلنا شفنا الهمجية و الشتيمة اللي كانت كل يوم
بالنسبة لخالد الغندور انا مش شايف انه غلط في حاجة بالعكس

اما بالنسبة لشوبير فكل واحد بياخد جزائه
شكرا ليكي

أم .. بوبه يقول...

طوبة فضة وطوبة دهب

طبعا طبعا أنا اول واحدة .. بس شكلى هفرحلى يومين بس وبعد كدة هلاقيه طلعلى تانى فى التيليفزيون

أم .. بوبه يقول...

sony 2000

أنا أول واحدة دعيت عليه عقبال الباقى يارب

أم .. بوبه يقول...

دكتور ستيتة


أنا عارفة إنه هيرجع تانى مانا حظى كدة

بس أدينى بظيت شوية قبل ما يرجع

أفش غليلى

أم .. بوبه يقول...

a7med sala7

أنا حاسة إن الحكاية وراها إيدين خفية مش بس مرتضى منصور أصل المغلولين منه كتير بصراحة

أم .. بوبه يقول...

سمع هوص

ياريت فعلا الكل هيرتاح

أم .. بوبه يقول...

أحمد عاطف

مش مهم السيجارة عادى أصل مفيش أنابيب أصلا

هو بصراحة أكتر واحد مقبول فيهم هو فعلا مدحت شلبى

إنما شوبير وخالد الغندور بيعملولى صداع

أم .. بوبه يقول...

neven

الله يخليكى

بصراحة هما الإتنين ربنا يريحنا منهم أنا منكرش إن مرتضى منصور صداع لوحده وممكن يرفع قضية على نفسه كمان

أم .. بوبه يقول...

أحمد شوبير

أنا بصراحة ميهمنيش شوبير كإعلامى .. الإعلاميين كتير

هو آه فعلا بيدير البرنامج لساعات كتير بمهارة وتحكم وفعلا بيكون مالى مركزه والبرنامج

بس بصراحة لما كان بيمسك فى موضوع يحب يلمح فيه بكلام عن شخص أو برنامج مضايقه لأغراض شخصية فقط كان ممكن يقعد بالساعات يعيد ويزيد فى الكلام وبمزاجه وبراحته وكأن البرنامج ده ملكية خاصة له ... ومحدش مجبر يسمع الكلام ده ولا يهمه ... والناس تقلب على المذيع التانى علشان تشوفه هيرد على شوبير يقول إيه ..... بصراحة شكلهم مكنش لائق أبدا .. ومش هى دى الأخلاق الرياضية

دى آخر حاجة كنت أتوقعها من البرامج الرياضية .. ما فى برامج كتير مشتركة فى نفس التخصص وكل واحد فى حاله وميهمهوش غير البرنامج بتاعه وإللى بيقدمه فيه .... إنما إللى بيحصل فى البرامج الرياضية ده بجد غير لائق وهما من أهم أسباب الأزمة إللى حصلت بين مصر والجزائر

أم .. بوبه يقول...

موناليزا

علمى علمك يا أوختى والله

بس بيتهيألى مش هيرجع للحياة تانى

إنما أكيد هيطلع فى قناة تانية مش هيهمد إلا لما يعمل برنامج تانى

أم .. بوبه يقول...

حصان المرجيحة

ليه بتقول مش زى ما باين للناس

كل الناس شايفة إللى بتقوله ده فى مرتضى منصور سواء فى العادى أو لما كان رئيس لنادى الزمالك

بس فرحتهم فى شوبير مغطية شوية على سلبيات مرتضى منصور