الأربعاء، 3 فبراير، 2010

نشرة الأخبار الرياضية ... الكورة مع أم .. بوبة

 نشرة الأخبار الرياضية ..... تقدمها لكم  :  أم .. بوبة

 مساء الأنوار


الخبر الأول .. بعنوان


  كابتن شوبير وحبوب الصراصير



 قام حارس المرمى بنادى الأهلى سابقا, ومقدم البرامج الرياضية  الشهيييير وعضو البرلمان الكبييير حاليا  كابتن أحمد شوبيييير ,
يوم فوز المنتخب المصرى بكأس الأمم الافريقية , بغلطة عمره , وهو عندما أخذته الفرحة ومكنتش هترجعه تانى , عند مكالمته الهاتفية بالسيد جمال مبارك فى أنجولا وتهنئته بفوز المنتخب المصرى قائلا :
(مبروووك يا جيمى)

   

    
ويا داهية دوجى على دماغ الكابتن شوبير  



والله أعلم أين قضى الكابتن شوبير ليلته هذه إللى مكنش هيطلعلها شمس .. هناك مصادر تقول يا إما قضاها على البلاط فى أحد الغرف المظلمة بدليل ظهوره فى اليوم التالى فى برنامجه الشهير وهو يبدو عليه أعراض البرد وقلة النوم .... أو يا إما قضاها فى بيته يتلقى مكالمات هاتفية من أصدقاءه واحباءه يقولون له (إيه إللى إنت هببته ده يا كابتن إنت كنت مبلبع حاجة )  .. يا إما قضاها فى منزله وعلى سريره ولكنه بيتقلب شمال ويمين وبيفرك ومش عارف ينام لأنه كل ما ينام يحلم بالسيد جمال مبارك وهو رئيس للجمهورية على إعتبار ما يمكن أن يكون .. ومعلقه من رجليه وبيقوله (بقى أنا جيمى يا شوشو طب  خد ............) يقوم يصحى مفزوع .. أو يا إما مخرجش أصلا من الأستوديو لحد اليوم التالى منتظر أن يصلح غلطته .

فقام الكابتن شوبير فى اليوم التالى بمحاولة تصليح ما قد طينه فى الأمس , وهو عندما ظهر فى برنامجه وكأنه لم ينم ولم يزق طعم الراحة ولا الزاد حتى هذا الحين .. قائلا:
( خلاص إمبارح كنا فرحانين والفرحة مأثرة علينا وكنا بنقول للسيد جمال يا جمال والسيد علاء يا علاء بدون ألقاب من فرحتنا .. بس خلاص النهاردة بقى نرجع الألقاب ونقول السيد جمال والسيد علاء وإلخ إلخ إلخ ) وكل شوية يعيد ويزيد فى الكلام ده  .. وكان يتلفت يمينا ويسارا وكأنه خايف من تكرار شئ ما حدث من قبل .. الله أعلم ما هو



 الخبر الثانى  .. بعنوان



  كل الأحبة إتنين إتنين وانت يا حضرى فريقك فين



تساؤلات تدور حول مصير حارس مرمى المنتخب المصرى عصام الحضرى  بعد ما حقق كل هذه البطولات الرياضية وسجل اسمه فى تاريخ رياضة كرة القدم بحروف من ذهب  .. لأنه بعد ما مخه وعقله الكبير هيأله إنه لما يترك النادى الأهلى ويلتحق بمركز شباب سيون الرياضى هتفرج وهتبقى ميت فل وعشرة 
.. وإن هو ده الصح والكلام إللى ميزعلش حد ومكنش شايف سبب مقنع لزعل الناس وموقف النادى الأهلى منه 
... ولكن بعد ما ظهرت له الحقيقة وطلعله مخ فى يوم ما 
وعرف إنه عك عكاية جامدة ومش عارف يعمل إيه
وبقى بيشيل التراب ويحطه على نفوخه ويلطم على وجهه .. ويحب على إيد السيد حسن حمدى رئيس النادى الأهلى .. والسيد حسن حمدى يقوله روح مطرح ما جيت ملكش عيش عندنا كل لقمتك فى حته تانية ....
والكابتن عصام مش بيبطل تلميح فى كل وسائل الإعلام  بإنه زعلان وندمان ونفسه يرجع النادى الأهلى , والنادى الأهلى مصدر الطارشة كعادته لمن يسول لهم انفسهم التجرؤ عليه وعدم الإلتزام بقوانينه ( الكبير كبير يا جدعان )  

فلا يزال الأمر بين مؤيد ومعارض و الكل منتظر ومهتم ويتساءل هل سيسامحه النادى الأهلى بعد فوز المنتخب المصرى بكأس الأمم الإفريقيه ويرجعه وعفا الله عما سلف  .. ولا برده هيفضل مصدرله الطارشة إقتداءا بالمثل الذى يقول
( مطرح ما تكاكى بيضى )




 الخبر الثالث والأخير .. بعنوان


   زيدان يقبل يد  آبـــا  الحاج  السيد محمد حسنى مبارك

 قام لاعب الكرة محمد زيدان , إللى محتار دايما فى شعره ومش عارف يعمل فيه إيه ولا إيه وكل يوم بقصة شكل ومعتبر شعره كراسة الرسم بتاعته , 
ومحتار أيضا فى مقاس حذائه الذى غالبا ما بيكون ضيق عليه , لذلك بيضطر آسفا لخلعه أثناء اللعب والجرى حافيا علشان يهوى رجليه شوية , 





بعد عودته من أنجولا مع المنتخب المصرى ومقابلة الرئيس محمد حسنى مبارك وإلتقاط بعض  الصور التذكارية معه وأثناء مصافحة الكابتن محمد زيدان للريس قام بتقبيل يده وكان ناقص يحب على راسه .. ولقد فسر الجمهور المصرى هذا الفعل تفسير واحد فقط ملوش تانى وهو إن الكابتن محمد زيدان أخذته حرارة المشاعر واعتبر وقتها السيد الرئيس زى أبوه الحج زيدان بالظبط


انتهت النشرة الرياضية ... طاب مساءكم ... وإلى اللقاء
بس ما تمشوش قبل ما تحلوا أسئلة المسابقة الرياضية ...........
                                                                                                             
  
                             
أسئلة المسابقة الرياضية


   السؤال الأول 

  # لما الكابتن شوبير قال للسيد جمال مبارك يا جيمى  ...

  1- كان ناسى نفسه   

  2 - كان مبلبع حاجة  

  3 - كانت الفرحة مش سيعاه

.........................................................................................

  السؤال الثانى

  # لمشجعين النادى الأهلى .. ماذا تحب ان تقول للكابتن عصام الحضرى ؟

  1- إرجع يا حضرى 

  2-  إهرب تانى يا حضرى   

  3- نصيبك كدة وأرقص فى أى نادى يا حضرى

..........................................................................................

  السؤال الثالث


  # ماهو توقعك لتسريحة محمد زيدان القادمة ؟

1- هيحلق زلبطة  

 2- هيزرعها نجيله   
       
 3 - هيرسم خريطة مصر
 .................................................................................

  ترسل الإجابات على صفحة تعليقات يوميات  فرن بالكهربا 

   وسيحصل الفائز إن شاااااااااء الله على صينية كوسة بالبشاميل






75 التعليقات:

هي وظروفها يقول...

هههههههههههههههههه

ايه ده دنتي سيحتي لشوبير ولا فضحيه السي دي

تعرفي ان اللي حصل ده مش ضد شوبير لانه كده بين للشعب اد ايه جيمي اسف قصدي استاذ جمال انسان ليبرال ولذيذ ومش مكلكع خالص وده في مصلحته وهو طبعا بما انه كبير الوصوليين في بر مصر عاملها قاصد استحاله يكون مش قاصدها

بس هو تلاقي حد عمل فيه مقلب عايز يرعبه وخلاص......

أخوكي في الله محمد زيدان انا معاكي ميه في الميه انه لما عمل كده فعلا شعور لحظي بالابوه مقدرش يعمل عليه كنترول خالص

وبعدين انهي اب بيدخل لولاده صاله vip

واول ما ييجوا مصر وقبل مايشموا هوا ملوث يلاقو ابوهم محضر ملايين وميداليات مخدهاش مصابي حرب اكتوبر
انا لو من زيدان اوطي علي رجله ابوسها
ده ولي نعمتي لو انتي مكانه بامانه مش هتعملي زييه واكتر؟؟؟

الشعب لابد له من حكومه تشكمه يقول...

هههههههههههههههههههههههههه مجرمه,
مش هجاوب باه علشان انتى عارفه انى مش بحب الكوسه هه يلا.

وبعدين يا اوختى جيمى لارج مش بيدق على الحجات دى.
انتى غريبه,
شوفتى زيدان وهو راسم قلوب فى شعره :) يكنن.

mohamed ghalia يقول...

هههههههههههههههههههههههه
بنقوله اهرب ياشوبير واخلع ياحضرى وازرعها يازيزو
هههههههههههههههههه

موناليزا يقول...

:) عسل يا ام بوبة
بالنسبة للاجابات
1- كان ناسى نفسه
2- نصيبك كدة وأرقص فى أى نادى يا حضرى
3- هيرسم خريطة مصر

:) اى خدمة

صاحب عمود النور يقول...

ههههههههههههههههههههههههههههههههههههههههههههههههههههههههههههههههههه
ايه البوست الجامد دااا؟؟؟

اجابه السؤال الاول:
فرحة زياده
السؤال التانى:
هيبيع بطاطه فى اى نادى تانى

السؤال الثالث:
نجيله ان شاء الله

انا صنيه كنافه بلاش كوسة مش بحبهااااااااااا

emymony يقول...

ههههههههههه موضوع جامد تحفه اوى
بالنسبه للحضرى كان وقتها فاقد الزاكرة وكويس انها عدت فى وسط الزحمه ههههههههههه كان يومه هيبقى كحلى من غير الوان
اماالحضرى يرقص فى اى نادى بمزاجه بقا دا السد العالى
وزيدان هيرسم الجزمه اللى فوقه دى ههههههههههه علشان مش يحتار فى المقاس
تحياتى

Bondoka يقول...

ههههههههههه
عسل والله
دا انا هبطل اتفرج على رياضه واستنى نشرتك بس

تعنقد الاجابات هتبقى
كان مبلبع حاجه
ارجع يا حضرى
ياريت يرسم خريطه مصر

عاوز اصحي يقول...

هههههههههههههه
يا فضيحتك يا شوبير دا شوبير شويه كدا وهيتشنير

بالنسبه لعصام الحضري تقريبا كدا هيروح فولهام قولي يارب في الدوري الانجليزي

بصراحه الواد زيدان قرفت منه لما كان راسم كوره وقلب وحرف z هو الواد خرفجي ولا ايه مخه تعبان مش قادر يبقي محترم زي باقي اللعيبه ناقص يرسم سمكه كمان

ضحكتيني وانا مش عاوز

تحياتي

عاوز اصحي يقول...

هههههههههههههه
يا فضيحتك يا شوبير دا شوبير شويه كدا وهيتشنير

بالنسبه لعصام الحضري تقريبا كدا هيروح فولهام قولي يارب في الدوري الانجليزي

بصراحه الواد زيدان قرفت منه لما كان راسم كوره وقلب وحرف z هو الواد خرفجي ولا ايه مخه تعبان مش قادر يبقي محترم زي باقي اللعيبه ناقص يرسم سمكه كمان

ضحكتيني وانا مش عاوز

تحياتي

أم .. بوبه يقول...

هى وظروفها

بصراحة هى كانت واسعة برده من شوبير اوى

يعنى هو لو حسن شحاته إللى كان بيكلمه كان هيقوله مبروك يا سونة


وينفع برده إنه يقوله مبروك يا جيمى وجمال مبارك يقوله الله يبارك فيك يا كابتن شوبير

لأ بصراحة هو كان لازم يصلح غلطته تانى يوم وانا شايفة إن ده ميسئش لجمال مبارك فى حاجة ده شئ طبيعى حتى لو مكنش ابن رئيس الجمهورية

وبالنسبة لذيدان هو فعلا حركته دى كانت بدافع عاطفى بس معدوش بيجبوها كتير فى التيليفزيون .. الظاهر علشان ما تطلعش موضة

أم .. بوبه يقول...

شيما

يعنى انتى شايفة صوانى الكوسة مترصصة يعنى ومستنية إللى ياكلها

وكمان انا مبحبش الكووسة خااااالص من زمان

هو فعلا جيمى لارج بس شوبير إللى طلع إكس إكس لارج بصراحة

بصراحة زيدان ده بيستعبط فى الحركات دى

أم .. بوبه يقول...

mohammed

الإجابات صحيحة

تحب نبعتلك صينية الكوسة على اى عنوان

أم .. بوبه يقول...

موناليزا

برافوا عليكى إنتى كمان إجاباتك صح

وإن شاء الله صينية الكوسة هتوصلك قريب

بس لو المكان بعيد إحنمال تبوظ إنتى ونصيبك بقى

أم .. بوبه يقول...

صاحب عمود نور

برافوا وان شاء الله هنطلب من طباخ المسابقة إنه يعمل صينية كنافة وبالهنا والشفا

أم .. بوبه يقول...

emymony

بصراحة هو مش الحضرى كان فاقد الذاكرة لأ دا كان فاقد مخه وقتها .. وكانت عمله مطينه وفى توقيت مكنش مناسب أبدااا

وأهو لسه بيدفع تمنها لحد دلوقتى

يرقص بقى ولا يهرب ولا يرجع هو ونصيبه

أم .. بوبه يقول...

bondoka

الله يخليكى يا جميل

دانا لو عملت برنامج فى التيليفزيون هوقف حال شوبير ومدحت شلبى وهتخانئ معاهم على الهوا ونقعد كلنا نقطع فى فروة بعض والإعلانات هتبقى كدة مش هنلاحق عليها

اجاباتك صح كل الإجابات صح عندى مفيش مشاكل

صينية الكوسة غن شاء الله هتوصلك بعد شهرين تلاتة كدة لحد ما الإجراءات تخلص بس

أم .. بوبه يقول...

عاوز أصحى

أنا متوقعة إن شوبير هيجيب سيرتى قريب فى البرنامج بتاعه وهيقعد يلقح عليا نص وقت البرنامج .. أصله مبيسيبش حد بيجيب فى سيرته ألا لما بيعمل حدوتة ...

وفى الآخر يقول انا مبحبش أرد على حد


زيدان ده بقى ظروفه صعبه ويبدو إن عنده فراغ عاطفى بيطلع فى صورة شخبطة على الدماغ

romansy يقول...

هههههههههه
ياصباح التهيس
شوبير عادى عادى اهو الريس ريسنا ومرحش فى حته غريبه
يقول اللى يقوله
جيمى جيمى
كله فى حب مصر يهون
وبعدين بقى الحضرى شكله الاهلى هيخلى مصدر الطارشه كتيروالى الابد
اما بقى زيززززوووو فد هيزرع شعر المره اللى جايه بقى علشان يعمله كاريه

OlivE يقول...

هههههههههههههههه

ايه التغطيه الجامده دى
دا انتى ولا اجدعها مذيع فى سى ان ان


سيبك من كل دا

انا هموت على صور بوبه دى
وهاخدها مليش دعوه انا بحب صور الاطفال بقى ما انتى بتشوفى


ولو على الاسئله
انا مش بحب الكوسه
لو مكورنه بالبشاميل دا انا اطلع الاولى عليكم بقى p:


تحياتى

reem يقول...

هههههههههههه

خلاص مش هاشوف اى اخبار رياضية الا هنا

على قناة ام بوبة ومن فرنها

البوست يجنن

الحضري بصراحة انا شايفة ان الاهلى لازم يرجعه
انا اصلا متحيزة للحضرى وبصراحة كدا بموت فيه

ياتوتة ربنا يخلى لك بوبة وصورها في المدونة زى السكر
ربنا يحميها وبيارك فيها يارب

أم .. بوبه يقول...

romansy

كله بيهيس إشمعنى انا

الحضرى بقى هو إللى عمل فى نفسه كدة مع كل بطولاته وجمايله دى على المنتخب

بس بصراحة الحركة إللى عملها دى مخلاش حتى الباب موارب بينه وبين الأهلى

ويبدو إنه مش هيرجع

زيزو بقى ربنا يعينه ويقدره على شعره ومشاكله

أم .. بوبه يقول...

olive

أومال إيه دانا كان أول أحلامى إنى أكون صحفية ... ويلا مفيش نصيب وآدينى بزاول المهنة من البيت كدة أحسن

صور بوبة وبوبة وأم بوبة تحت امرك

بس أهم حاجة الصور متوقعش فى إيد أى حد من الشوباب ويستغلها إستغلال سئ .. أصل أبوها ممكن ميخليهاش تقعد على النت تانى
هههههههههههه

أم .. بوبه يقول...

reem


أى أخبار هتلاقيها عندى انا فى محطتى حصريا
مش هتلاقيها فى أى حتة تانية

وربنا يباركلك فى بنوتك كمان وتفرحى بيها

لجين أبو الدهب يقول...

انتى اخدتى بالك من شوبير زيى ..

فعلا كررها كذا مرة ان دلوقتى نستعيد الالقاب كانه غلط غلطة عمره D:


نشرة رياضية حلوة اوى ..

دمتِ بخير ..

أحمد شريف يقول...

السلام عليكم
أضحك الله أيامك

على فكرة أنا خايف على بنتك هبه يا أم هبه من الحسد
ربنا يحفظها ويبارك فيها

أم .. بوبه يقول...

لجين أبو الدهب

يبدو إن قوة ملاحظتنا واحدة .. دانا ضحكت ضحك ساعتها لأنى كنت لسه بتكلم انا وجوزى على حركة جيمى دى ولاقيناه عمال يلم فى الموضوع بقيت هموت من الضحك

أم .. بوبه يقول...

أحمد شريف

شكرا لمرورك يبدو إن الموضوع عجبك

بالنسبة لبوبة .. إسمها حبيبة مش هبة

باين إنها عجبتك ممكن أحجزهالك يادوب مناسبة جدااا

قلم رصاص يقول...

موضوع جميييييييييل جدا
وضحكني اووووووووي بصراحه

تسلم الدماغ دي

تقبلي مروري

ستيته حسب الله الحمش يقول...

اللي هاممني في التدوينة دي حاجتين

اولا صور بوبة ما شاء الله لا قوة الا بالله والموسيقى الكلامية المصاحبة ليها تحفة
ربنا يحفظها ويهديها ويبارك لك فيها


ثانيا انك بقيتي كروية اخر حاجتين تلاتة
هههههههههههههههههههههههههههههه


1- شوبير مغلطش غلطة رهيبة زي ما انتي فاكرة
هو كل مشكلته بس انه نسي نفسه امام الجمهور
شوبير من الألاضيش المقربين لجيمي ولولو :) ومن المدافعين عن اسمه ايه ده اممممممممممممممممممم التوريث


2- الأهلي مش ها يرجع الحضري تحت اي ضغط
دي قواعد ارسها الله يرحمه صالح سليم وهي سبب ان الكبير كبير


3- هو الواد زيدان لما حلق في انجولا ورسم كورة ويساوي وقلب استهوى وخد برد في نفوخه
خلاه دايخ يا ولداه
جه يبوس إيد أبا الحاج ابوه
باس ايد أبو الشعب :)
ويعني هي جت عليه
ما عائشة باست ايد سوزي قبليه

تقريبا ده تبع مذهب علشان ما تعلى وتعلى وتعلى :)

تحياتي على النفوخ الرايق

سبايدرمان spiderman يقول...

ههههههههههه
هههههههههههه
حلوه و الله
و الآحلي الأسئله
و الاحلي بقي اني مش هجاوب هههههههه
ينفع الاستعانه بصديق ^_^
ههههههه

حصان المرجيحة يقول...

هههههههههههه
موضوع و كالعادة جمييل
تعرفي اني كنت بحب شوبير جدا بس لما لقيته بدأ يخيب بدأت اغير وجهة نظري فيه
و بالنسبة للحضري نفسي انه ييجي الزمالك بجد
اما بالنسبة لزيدان فمش عارف ده سببه ايه يمكن الحلاق بتاعه كفيف
شكرا ليكي

Mr.Hazem يقول...

مبرووووووووووووك فوز مصر
والله انبسطت كتييييييير وطلعنا مسيرات بغزة لأجلك يا مصر
اول شي
كيفك ان شاءا لله تمام
اشتقتلكم كتيييير والله
طبعاً اول شي كل كلماتي ما بتوفيكم حقكم لأنكم بجد تستحقون كل الحب والاحترام
انا سعيد جداً انك بتفوتي على طول على مدونتي , ودائماً حروفك وكلماتك بيكون الها معنى غير

صراحه انا مكسوف جداً لاني ما بتابع مدونتك متل ما انتي متابعة مدونتي ,,
بس شو اعمل الكهربا مش مساعداني اني افوت واجي لعندكم
بليز ما تقطعيني وما تفكري اني ناسيكم بالعكس والله دائماً ببالي وخايف اني اخسركم
وبتمنى انه نبقى على تواصل واكيد ما بعد الظلام الا النور وحتماً راح نرجعلك ونغلبك زي زمان هههههه
ربي ما يحرمني منكم
وقريباً حتلاقيني راجع وبغلبكم زي زي زمان هههههههه

طبعاً انا مش تارك مدونتي بحاول اكتب ولما تيجي الكهربا بسرعه بنزل الموضوع ويادوب بخلص بترجع تقطع وهكذا

سلامووووو

Mo7ammed يقول...

بسم الله الرحمن الرحيم

الاجابة

تونس

هيع هيع هيع

Mo7ammed يقول...

بالمناسبة

الاخت الانسة الجميلة بوبة .. حد متكلم عليها ؟

انا 18سنةو4شهور
تجارة انجليزى فرقة اولى وفيه احتمال اروح تانية
وقدامى مستقبل بااااهر على فكرة
اه والنعمة

:D
ها قلتى ايه ؟
انا من رأيي تسأليها

أبو العريف يقول...

هههههههههههههه

والله بوست لذيذ جداااا

ضحكتيني بجد

احب اقول ان شوبير مبلبع حاجه

وبرغم حبي للحضري يروح مطرح ما يروح


اما زيزو الحلقه الجايه غالبا هيحلق زلبطه ويفرقه من النص


بوست جااااااااااااامد

تحياتي

فاتيما يقول...

اضحك الله سنك يا شيخة

ضحكتينى قوى ربنا يسعد قلبك

اسئلة المسابقة بالذات تحفة

دنتى لازم مودرن سبوت و الحياة يتخانقوا عليكى يا امى

احنا عاوزين كل يوم نشرة كدا

بوسيلى بوبة العسل
اللى طالعة لأمها

أحمد شريف يقول...

سلام عليكم يا أم حبيبة
احنا خلاص اتفقنا أنا شاري حبيبة يا أم حبيبة والمهر والشبكة والتفاصيل دي بعدين

شوفي بقى : معلومة قد لا تعرفيها
حسام غالي لاعب المنتخب المصري الفائز ببطولة أفريقيا الأخيرة بدع اليوم في السعدية وأحرز هدفين عالميين
اتفضلي
http://www.youtube.com/watch?v=SlMHOfJ3csk&feature=player_embedded#at=70

لكن اللي يمكن متعرفهوش إنه من بيلا ووالده الله يرحمه مات تقريبا من 3 سنين
الفاتحة له ولكل الحبايب بقى

أم .. بوبه يقول...

قلم رصاص

شكرا على مرورك والحمد لله إن الموضوع عجبك

أم .. بوبه يقول...

دكتورة ستيتة

ده من زوقك يا جميل هى بيبة تيجى حاجة فى محمد ويوسف كونتينر السيد ههههههه ما شاء الله عليهم

شوفتينى الثقافة الكروية بقت عمالة تدلدء منى مش عارفة أوديها فين

عجبنى أوى تحليلك لموقف شوبير


وتحليلك كمان للى عمله زيدان مقتنعة بيه مية فى المية


اما الحضرى بقى فأكيد الأهلى مش هيرجعه وأنا واثقة فى كدة أصل الأهلى فى الحاجات دى مش بيهرج

نورتى الموضوع يا دكتور

أم .. بوبه يقول...

سبايدر مان

شكرا على مرورك لأول مرة ويارب متكونش آخر مرة

أم .. بوبه يقول...

حصان المرجيحة

بصراحة شوبير يجيب الصداع عنده القدرة على الرغى 6 ساعات متواصلين من غير ما يبلع ريقه

حاجة فعلا تطفش

أما مرواح الحضرى الزمالك ده أول مرة أسمعه وإن عملها بصراحة هتبقى تانى غلطة له ومظنش إنه يعملها

أم .. بوبه يقول...

mr Hazem

اهلا بيك وحمدا لله على السلامة

وانا عمرى ما افكر بالطريقة دى

أنا ليا الشرف إنى أتابع مدونتك لأنها بجد تستحق المتابعة سواء كنت مداوم المتابعة لمدونتى أو لأ

وإحنا بنحترم أى شخص فلسطينى وبنعامله كبطل وبنحس بقمة الفخر والشرف لو اقتربنا منه

ودى الحقيقة مش مجاملة

ولو بإدينا نيجى لحد عندكم ومعانا الأنوار إللى فى بيوتنا ننورلكم بيها منازلكم مش هنتاخر

إنتوا تستحقوا كل خير وانتوا قدها و قدود ... وربنا ينصركم عن قريب إن شاء الله وتبقوا أكييييييد الفرحة الكبيرة إللى لا يضاهيها أى فرحة فى العالم كله

يارب عن قريب يارب إنك سميع الدعاء

أم .. بوبه يقول...

mo7ammed

المفاجأة بقى إن الإجابة صح .. بس للأسف صينية الكوسة حمضت خلاص .. خليك للمسابقة الجاية

أما بالنسبة للموضوع التانى ده

إنت بصراحة فاجئتنى

وعلى فكرة انت رابع واحد يتقدملها دلوقتى من يوم ما نزلت الصور

والموضوع محتاج تفكير ولازم آخد رأى والدها طبعا

هو فعلا سنك مناسب بس برده مش مضمون إن كنت هتلحق تجهز ولا لأ لأن البنت كبرت وعايزين نجوزها بسرعة عندها دلوقتى سنتين و3 شهور

أم .. بوبه يقول...

أبو العريف

شكرا لمرورك

والحمد لله إن البوست عجبك

والإجابة على سؤال زيدان فاز بالجايزة الأولى

أم .. بوبه يقول...

فاتيما

الله يخليكى يا جميل

بس عندك حق لو عندهم نظر بقى القنوات دى يطلبونى ويتعقدوا معايا وهاخد نص بس إللى بياخده شوبير .. وهخلى الإعلانات تنزل عليهم زى الرز

بس مفيش تقدير فى البلد دى

بس المفروض كنتى قولتى بوبة طالعة هبلة لأمها .. دى بصراحة الحاجة الوحيدة إللى اخدتها منى

أم .. بوبه يقول...

أحمد شريف

وحبيبة ما تغلاش عليك

عايزة أقولك إنى عارفة طبعا إن حسام غالى بلدياتى

ومش كدة وبس

دا كان معايا انا وأخوية فى نفس المدرسة واحنا صغيرين .. وأخته راندا غالى كانت فى سن اخوية الكبير أكبر منى بسنتين وكانت صاحبتى ومع اخوية فى نفس الفصل

أما حسام أكبر منى بسنه واحدة بس

وأخوية كان بيوقفه جون فى فريق المدرسة ههههههه وكان ساعات مش بيرضى يلعبه

وكمااااااااااان .. إحنا بقينا قرايب

بعد ما اخوية إتجوز بنت عمه


وبعد ما والده إتوفى .. أخد أخته ومامته معاه القاهرة .. وباعوا بيتهم وقطعوا علاقتهم بالبلد خالص معدش بينزلها لأى زيارة


أول مرة تكون معلوماتى اكبر من معلومات فى حاجة الحمد لله

!! a7mad sala7 !! يقول...

ههههههههههههههههههههههه

والله معزور
هو جمال مبارك دهع اد ايه يعنى
مهو من دور عياله
مش عياله اوى يعنى بس صغير

وبعدين ساعتها مكانش حد حاسس بحاجة
دا جمال مبارك نفسه قعد يرقص ويهلل زى الاهبل

بس هتعدى يعنى
ولو معدتش يبقي مرتضي منصور ليه رأى اخر :D

بالنسبة للحضرى خسارة ينهى مشواره بالشكل ده
وفى نفس الوقت مش عايزه يرجع الاهلى
لانى مبحبش الاهلى :P

اما زيدان خليه بقي مع الاعلانات
يرسم على دماغه .. يحضن الجزمة .. يقطع هدومه
مش مشكلة يعنى
طيش شباب :D

طاب مساؤكم

البنفسج الحزين يقول...

هههههههههههههههههههههههههههههههههههيخرب عقلك دانتي دمك شربات والله ...
هيا دي النشرات ولا بلاش ...
أنا عن نفسي موت م الضحك لما قريت اللي انتي كاتباة علي زيدان أنه عامل شعرة كراسه الرسم بتاعته هههههههه فعلا والله معاكي حق كان منظرة مقزز بالقلوب اللي راسمها في دماغه دي...
أما الحضري ...أنا باحبه وباتمني يرجع للأهلي تاني...
أما المدعو شوبير فاللي عمله ده طبعا كان تمحيك في جمال مبارك قال ايه هو بيحبه وبيدلعه بس التماحيك وسعت منه شويه ...
تحياتي ومستنيين المزيد من الاخبار بقا في كل المجالات...بجد اعملي اجزاء تانيه من البوست ده فكرته حلوة وعجبتني جدا.

Timo.. يقول...

ايه يا ام بوبة كل ده..؟؟
انا بقالي 3 ساعات عندك لاني مش كنت موجود الفترة اللي فاتت الاقي كل المواضيع والحاجات دي.؟؟
ما شاء الله..واضح انه الفرن بتاعك انتاجه يكفي كل المدونين :)

سمع هوص (Abo 3li) يقول...

انا لسه مخلصتش ضووووحك....
اصلي افتكرت يوم ماتش مصر والجزاير في الاخراني في القاهرة.. لما عماد متعب جاب الجول التاني في اخر دقيقتين...
راح مجدي عبدالغني ناطط من مكانه وحاضن جيمي حضن كان هيخلص عليه...
ومباركش لاي حد ساعتها غير جيمي...
مش ولي العهد بقي؟؟؟
وولي البلاد.. والخليفة المنتظر...


يلا عقبال منشوف جيمي وهوا حالق زي زيدان كده


تحياتي

أحمد شريف يقول...

هههههه على هذا انت واصله جداً يا أم حبيبة

===========

ملحوظة تصحيحية للأخ الكريم اللي قال عن جمال إنه صغير وأنه من دور عيال شوبير وأحب اقوله لا يمكن شوبير هو اللي من دور أخواته الصغار

علاء مبارك داخل على خمسين
وجمال حوالي 47 سنة

أم .. بوبه يقول...

a7mmed sala7

مبتحبش الأهلى

طب قول أنا زملكاوى أسهل شوية

أنا عن نفسى أهلاوية بس مش بكره الزمالك عادى يعنى

وفعلا لو حكاية شوبير معدتش اكيد مرتضى منصور هيكون ورا الحكاية أصلهم بيعزوا بعض اوى

أم .. بوبه يقول...

البنفسج الحزين

ميرسى يا عسل ده من زوقك إنتى إللى شربات

ومتخافيش أكيد هيكون فى أجزاء تانية إن شاء الله أصلها كانت هواية زمان وخلاص بقى طلعت دلوقتى

نورتينى يا قمر

أم .. بوبه يقول...

timo

شكرا على قرايتك للمدونة أكيد أخدت منك وقت بس انت إللى كنت غايب بقالك فترة علشان كدة المنهج تقل عليك .. بعد كدة إقرا أول بأول

شكرا على مرورك

أم .. بوبه يقول...

سمع هوس

آه إفتكرت الموقف ده .. بس هو مكنش قدامه وقتها غير جيمى طبيعى إنه يعمل كدة

انا حاسة إن جيمى هيندم إنه تنازل وتواضع واحتك بالرعاع دول بتوع الكورة ههههههههههه

وفى الآخر طلع عليه جيمى

أم .. بوبه يقول...

أحمد شريف


شكرا على المعلومة التصحيحية

أكيد ما الريس دلوقتى بقى عنده يجى 70 80 سنة طبيعى فعلا

tarek momen يقول...

السؤال الأول
ممكن اضيف خارج الأختيارات انه كان بيتمحلس بس وسعت منه شوية
السؤال التاني انا باشجع الزمالك لكن ماعنديش مانع انه يلعب للزمالك ماهو بيلم الوقيع
السؤال التالت
هيرسم صورة ابا الحاج
ممكن لو كسبت استبدل صينية الكوسة بصينية مكرونة
تحياتي

شمس النهار يقول...

::)))))
مش ممكن
من غير ملمة بالكورة
لمذيعة لامعة كرويا
وكمان محللة
وكمان مسايقة
طيب ممكن اغير الصينية لمكرونة بشامل

:::)))
سلامي

ذكري رحيل قلم يقول...

السلام عليكم

ازيك عاملة ايه انا بدعوكي لزيارة هذا الموضوع الهام لكل فتاة مسلمة
تحياتي

norahaty يقول...

اجابة السؤال الأول:
الفرحة كانت واخداه
السؤال التانى :
نصيبك كده ياأبنىىىى
السؤال التالت:م مش عارفة
ما اقدرش أفتى فى الموضوع دا:)

enjy يقول...

حلوة دى

ضحكت جامد جدا

أبو حميد يقول...

جامدة مووووووووووت
أنا عجبتنى فوى الحتة بتاعة زيدان
وكل يوم بقصة شكل ومعتبر شعره كراسة الرسم بتاعته

Sharm يقول...

بسم الله الرحمن الرحيم
الاجابة هي
محمد منير

أم .. بوبه يقول...

tarek

الإختيار الجديد كويس وتقريبا هو الحقيقة

بالنسبة لصينية الكوسة انا إختارتها لأنى عارفة إن كتير مش بيحبوها وأولهم أنا

أم .. بوبه يقول...

شمس النهار

إيه النور ده

شوفتى المواهب الكتير دى

إنتى لسه شوفتى حاجة .. صبرك بس عليا

تحبى أبعتلك صينية المكرونة على عنوان إيه

إنتى بس تؤمرى

أم .. بوبه يقول...

ذكرى رحيل قلم

نورتينى .. شوفت الموضوع جميل أوى وعلقت عليه كمان

أم .. بوبه يقول...

norahaty

صح يا جميل

أبعتلك صينية الكوسة فين بقى

بس هتبقى ناقصة حتة علشان إنتى ماجوبتيش على السؤال التالت

هههههههههههههه

أم .. بوبه يقول...

enje

ربنا يفرحك كمان وكمان

نورتينى يا جميل

أم .. بوبه يقول...

أبو حميد

شكرا على مرورك والحمد لله إنها عجبتك

أم .. بوبه يقول...

sharm


هنعتبر الإجابة صح

بما إن الجايزة صينية كوسة ومحدش عايز ياخدها

الصقر الجرئ يقول...

موضوع هايل جدا ... و إجاباتي هي :

كان ناسي نفسه (و دي مش أول مرة ينسى نفسه , ده نسي نفسه ف حاجات كتير وإسأله اليوتيوب )

نصيبك كدة وأرقص فى أى نادى يا حضرى ( على إعتبار إن الحضري يدب مطرح ما يحب )

هيرسم خريطة مصر ( على إعتبار إن في أزمة في الخرايط عند مدرسين الجغرافيا اليومين دول )


.... وشكرا :)

أحمد عاطف يقول...

بصي البوست دا

من اكتر البوستات اللي ملهاش حل

بجد انا قريته من يومين ودخلت عشان اوريه لابويا وامي

اتصيح لك عند كبار العائلة يا ام بوبة


امي بتقولك ربنا يحفظ لك بنتك وبتقولك ادعي للحضري

غير ان زيدان بيبوس ايد ولي نعمته

وجدو اللي واخد 4 مليون عشان 5 اجوان

دا انا وقفت خدمة في الجيش لما طلع عين اللي جابوني ماخدتش طول سنة الجيش 1000 جنية

أم .. بوبه يقول...

الصقر الجرئ

إجاباتك صح ومرتبة ومكتوبة بخط كويس

مبروك عليك صينية الكوسة

أم .. بوبه يقول...

أستاذ أحمد عاطف

مع إن تعليقك متأخر

بس أكتر تعليق أسعدنى على البوست ده

تحياتى للوالد والوالده وطلبات الحاجة كلها اوامر دى على راسنا من فوق

سمو الأميرة سارة يقول...

انا ما بكرهش في حياتي قد شوبير :((
ولو اني مش متابعة كورة اوي بس متابعة فضايحه :(

اسمحي لي استأذنك يا ام بوبة الموضوع دا انزله في مجلة بحلقة باسم حضرتك ولينك مدونتك
في قسم شباب نتيت
منتظرة رد حضرتك